TÜRKMENISTANYŇ MERKEZI BANKYNYŇ GYMMAT BAHALY METALLAR WE GYMMAT BAHALY DAŞLAR GAZNASY

Aşgabat şäheriniň Olimpiýa şäherçesinde Bütindünýä saglyk gününe bagyşlanan giň gerimli sport çäresi boldy. Bu çäre BMG-niň Ilat gaznasynyň (UNFPA) Türkmenistandaky wekilhanasy tarapyndan Türkmenistanyň Bedenterbiýe we sport baradaky döwlet komiteti bilen bilelikde guraldy. Bu barada Türkmenistanyň Halkara habarlar merkezi habar berdi.

Maksatnama örän işjeň görnüşde guralyp, ol dürli mowzuklaýyn meýdançalarda bir wagtyň özünde geçirilen dört sany esasy sessiýany öz içine aldy. Ýaşlaryň iki topary gender deňligi meseleleri boýunça okuw sessiýalaryna gatnaşan bolsa, beýleki gatnaşyjylar öz-özüňi goramak we gimnastika boýunça ussatlyk sapaklaryna çekildi. Hususan-da, gyzlar kikboksing we taekwando tilsimlerini öwrendiler, ýigitler bolsa stretçing we gimnastika maşklaryny ýerine ýetirdiler.

Şeýle toplumlaýyn çemeleşme fiziki işjeňlik arkaly özara hormat goýmak ýörelgelerini berkitmäge mümkinçilik berdi. Bu bolsa gatnaşyjylara adaty gender orunlaryndan çykmaga we sportuň azat, deň mümkinçilikler giňişligidigine iş ýüzünde göz ýetirmäge kömek etdi.