TÜRKMENISTANYŇ MERKEZI BANKYNYŇ GYMMAT BAHALY METALLAR WE GYMMAT BAHALY DAŞLAR GAZNASY

Nikaragua Respublikasynyň Hökümeti Türkmenistanyň başlangyjy bilen Birleşen Milletler Guramasynyň garamagynda döredilen Parahatçylygyň, howpsuzlygyň we durnukly ösüşiň bähbidine Bitaraplygyň dostlary toparyna goşulmak barada karar kabul etdi. Nikaraguanyň goşulmagy bilen bu birleşigiň düzümindäki döwletleriň sany 30-a ýetdi. Bu barada Türkmenistanyň BMG-niň ýanyndaky Hemişelik wekilhanasynyň metbugat gullugy habar berýär.

2020-nji ýylda döredilen Topar öňüni alyş diplomatiýasy, araçyllyk we dawalary parahatçylykly çözmek meseleleri boýunça köptaraplaýyn gepleşikleri ösdürmek üçin halkara meýdançasy hökmünde hyzmat edýär. Birleşik howpsuzlygy berkitmek boýunça çemeleşmeleri işläp düzmek maksady bilen Nýu-Ýorkda Hemişelik wekilleriň duşuşyklaryny hem-de her ýylky ministrler derejesindäki maslahatlary yzygiderli geçirýär. Nikaraguanyň bu topara goşulmagy parahatçylyk medeniýetini we bitaraplyk institutyny ilerletmek baradaky Türkmenistanyň başlangyçlaryna halkara jemgyýetçiliginiň gyzyklanmasynyň artýandygyny ýene bir gezek subut edýär.