TÜRKMENISTANYŇ MERKEZI BANKYNYŇ GYMMAT BAHALY METALLAR WE GYMMAT BAHALY DAŞLAR GAZNASY

Türkmenistanyň Söwda-senagat edarasynyň binasynda Türkmen-amerikan işewürlik-forumy geçirildi. Oňa iki ýurduň degişli döwlet we işewürlik düzümleriniň ýolbaşçylary hem-de wekilleri gatnaşdylar. Bu barada Türkmenistanyň Halkara habarlar merkezi habar berdi.

Forumda türkmen wekillerine Türkmenistanyň Ministrler Kabinetiniň Başlygynyň orunbasary Nökerguly Atagulyýew ýolbaşçylyk etdi. ABŞ-nyň wekiliýetine bolsa Türkmen-amerikan işewürlik geňeşiniň ýerine ýetiriji direktory Erik Stýuart ýolbaşçylyk etdi.

Mejlisde taraplar ikitaraplaýyn hyzmatdaşlygyň häzirki meselelerini ara alyp maslahatlaşdylar we ýakyn geljek üçin meýilnamalary bellediler.

Amerikanyň öňdebaryjy kompaniýalarynyň köp ýyllaryň dowamynda Türkmenistanyň ykdysadyýetiniň strategik taýdan möhüm pudaklarynda üstünlikli işläp gelýändigi bellenildi. Şunda ABŞ-nyň işewürler toparlarynyň netijeli ikitaraplaýyn hyzmatdaşlygy çuňlaşdyrmaga uly gyzyklanma bildirýändigi tassyklanyldy.

Hyzmatdaşlygyň ileri tutulýan ugurlarynyň hatarynda energetika pudagy, ulag we aragatnaşyk, oba hojalyk toplumy we ýokary tehnologiýalar ulgamy bellenildi.

Maslahatlaşmaga nebit-gaz, senagat we ulag-kommunikasiýa pudaklarynda, şeýle hem elektroenergetika, maliýe-bank ulgamynda, söwdada, oba hojalygynda, ekologiýada we beýleki ugurlarda özara gatnaşyklaryň geljegi hakynda özara pikir alyşmalar boldy.