TÜRKMENISTANYŇ MERKEZI BANKYNYŇ GYMMAT BAHALY METALLAR WE GYMMAT BAHALY DAŞLAR GAZNASY

Tbiliside Türkmenistanyň Prezidenti Serdar Berdimuhamedowyň Gruziýa bolan döwlet saparynyň çäklerinde ikitaraplaýyn resminamalaryň uly toplumyna gol çekmek dabarasy boldy. Täze ylalaşyklar şertnama-hukuk binýadyny ep-esli giňeltmäge we iki ýurduň arasyndaky uzak möhletleýin hyzmatdaşlyga güýçli itergi bermäge gönükdirilendir. Bu barada Türkmenistanyň Döwlet habarlar agentligi habar berýär.

Gol çekilen resminamalar döwletara gatnaşyklaryň köp sanly esasy ugurlaryny öz içine alýar. Hususan-da, söwda-ykdysady gatnaşyklary çuňlaşdyrmaga, strategik ugurlarda ulag-logistika hyzmatdaşlygyny işjeňleşdirmäge, şeýle hem energetika we syýahatçylyk ulgamyndaky gatnaşyklary giňeltmäge gönükdirilen ylalaşyklar baglaşyldy.

Taraplar durmuş we medeni-ynsanperwer ulgamlaryna hem aýratyn üns berip, ylym-bilim gatnaşyklaryny we telekeçilik düzümleriniň arasyndaky göni aragatnaşyklary ösdürmek baradaky ylalaşyklary berkitdiler. Bu ädim Aşgabadyň we Tbilisiniň köpşahaly hyzmatdaşlygy hil taýdan täze derejä çykarmaga bolan özara ymtylyşyny tassyklaýar.