TÜRKMENISTANYŇ MERKEZI BANKYNYŇ GYMMAT BAHALY METALLAR WE GYMMAT BAHALY DAŞLAR GAZNASY
Türkmenistanyň wekili Koreýa Respublikasynda geçirilen mejlise gatnaşdy
Awg 12, 2024
8-nji awgustda Türkmenistanyň Seuldaky ilçisi Begenç Durdyýew Koreýa Respublikasynyň Daşary işler ministrliginiň esasy binasynda geçirilen "Merkezi Aziýa - Koreýa Respublikasy" Hyzmatdaşlyk forumy sekretariatynyň 15-nji ýerine ýetiriji komitetiniň mejlisine gatnaşdy.
Merkezi Aziýa ýurtlarynyň ilçilerinden we Koreýa Respublikasynyň Daşary işler ministrliginiň Demirgazyk-Gündogar we Merkezi Aziýa işleri boýunça bölüminiň baş müdirinden ybarat bolan ýerine ýetiriji komitetiň agzalary, şu ýylyň güýzünde Seulda geçirilmegi meýilleşdirilýän 17-nji Hyzmatdaşlyk forumyny geçirmek bilen baglanyşykly guramaçylyk meselelerini ara alyp maslahatlaşdylar.
Şeýle hem, duşuşyga gatnaşyjylar geçiriljek forumyň gün tertibine degişli meseleleri, şeýle hem 2025-nji ýyl üçin "Merkezi Aziýa - Koreýa Respublikasy" forumunyň iş meýilnamasy barada pikir alyşdylar.